城城握完熊掌High爆自摸

郭富城首八場個唱都「封肌」,前晚終在尾場演出時巧施「胸城計」!他在台上半裸自摸42吋胸肌,又以爛Gag來回應與苟芸慧的「爛桃花」,實行向正印熊黛林(Lynn)大派定心丸!

郭富城一連九場的《郭富城舞臨盛宴世界巡迴演唱會2013香港站安哥篇》前晚圓滿閉幕,他在台上多次「黐脷筋」,更自封為「神」:「我係郭富『神』!唔好意思,我係叫做阿城。」

怕粉絲噴血

香港站的前八場,城城一直「封肌」,力保Body免曝光,前晚他終在握手環節前出動撒手鐧-剝衫「裸」你命!赤膊上陣的他多次自摸肌肉,又擺出大隻佬甫士,並笑說:「哎吔!好舒服呀!不過握手要着番件衫,有啲矜持,唔着衫我驚Fans會流鼻血!」

受訪時,瘦了5磅的城城自爆有意乘勝追擊,舉行演唱會的Part 3。提到大前晚與女友Lynn高調握手?他一副冧樣說:「個個都想握!」將頭髮由藍色染回黑色的他首度開腔回應與苟芸慧的緋聞,更以爛Gag「護林」:「係誤會,可能趁我開騷畀花邊新聞我,最緊要唔好影響身邊人,同埋架車我好耐冇揸。(極速染黑髮?)洗甩爛(藍)桃花嘛!」

音樂組

城城在台上自摸胸肌,粉絲仲唔流鼻血?

城城與熊黛林握手後,尾場即除衫益粉絲!

個唱後,城城及一眾員工舉行祝捷會慶祝。

「牛下女車神」李慧詩化身小粉絲,到後台與偶像合照。