陳柏宇想生B唔畀女友湊

歌手陳柏宇（Jason）前晚擔任nowTV節目《操控音樂》嘉賓，自爆舅父生女的他揚言想生BB：「但唔可能依家，呢啲同經濟狀況有關係，又要抽到身照顧小朋友，需要多啲家庭時間。但我信唔過女友，佢湊得唔夠我好，因為我七歲已經開始湊表弟！（女友信基督，接受婚前性行為？）佢冇洗禮，唔需要冇。」對於高皓正的「戒自瀆」論，支持有信仰的Jason說：「我唔反對佢有呢種思想，佢冇強迫人，傳道係好事。」而主持黃婉曼（Icy）則謂節目旺桃花，蜜運中的林德信、吳雨霏及劉浩龍均任嘉賓，但聲稱想30歲前結婚的Icy指男友未有動靜：「結婚都係一時衝動，依家回復平靜。（男友唔想結婚？）係囉！唔知幾時求，惟有等吓先。」