梁小冰撐白健恩唔貪錢

藝人梁小冰昨日出席《全港小學徵文比賽頒獎禮》，她透露五歲囝囝近日愛作曲、跳舞及拍片給她看，連話劇界前輩甄詠蓓亦大讚有潛質做導演。她又指已為兒子報讀小學：「佢喺幼稚園有學普通話、英文同日文，好有語言天分，所以我揀間有德文、法文同西班牙文學嘅小學，但唔係國際學校，因為佢係中國人，我想佢學中文。」對於白健恩被指有不道德交易，曾跟對方合演舞台劇的小冰力撐小白：「我識佢兩年，舞台劇畀演員好少錢，而佢呢兩年好努力做舞台劇，證明佢價值觀唔係睇錢。以佢身材樣貌做嗰件事係絕對可以，但佢唔會選擇做，如果唔係佢唔使去接舞台劇咁少錢，佢乖到不得了又怕醜，我覺得冇可能！」