戀愛成熟即將結婚的鄭希怡（Yumiko）昨日接受電台訪問，談及與未婚夫梁學儲（Andy）相識經過，不時報以幸福甜笑：「我哋做嘢識，嗰時佢同阿Sa（蔡卓妍）一齊做嘢，有時阿Sa約消夜，我都會見到佢。之後無端端出嚟玩，開始注意佢，都唔係得佢追我，我都有啲唔知點嘅感覺，就約佢去街，大家都有少少Feel到，佢都有約我。（介意男友有個女？）冇諗咁多，如果鍾意一個人，唔會理佢過去發生咩事，我鍾意佢依家，依家開心就OK。」