司徒法正：正能量夠強或者有可能

對於高皓正聲稱為女藝人女兒驅魔，玄學風水師司徒法正認為一個普通人應該不可為人驅鬼，要是高皓正的正能量夠強或者有可能，司徒法正相信其驅鬼能力是倚仗個人宗教信念，透過唸經之類來發揮：「只要有能力、有信心，有可能做到都唔奇。（女藝人家中有擺風水陣？）布陣若非正統師傅，反而會惹到邪靈寄居。（風水陣之物品當垃圾？）有不敬！我未聽聞有女藝人女兒要搵人驅鬼，但娛圈易惹邪靈，呢行帶運氣成分，好多人會求神問卜、請鬼仔幫手、走捷徑，易惹到邪靈唔出奇。」

此外，牧師李錦彬對高皓正驅魔行為有質疑：「先唔好講佢有冇呢個能力，但程序上已經出錯，應先斷定嗰個係咪『魔』，因為從聖經中所講，鬼係冇樣、冇骨……而兩歲女孩因本身表達能力有限，佢講嘅嘢不可信，而老公自殺則因佢思緒混亂而構成，因靈體要同人溝通才可進入體內。」