徐子珊「飛機場」任叫唔嬲

無綫花旦徐子珊昨日穿上由本地時裝設計師Mountain設計的背心裙出席活動，上圍明顯縮水！反觀穿低胸晚裝的周慧敏卻相當有睇頭，子珊即時被比下去，問到子珊的「Mountain」（上圍）為何消失？她笑說：「我出名冇身材喎！啱啱拍完《神槍狙擊2013》，唔知係咪壓力大，瘦咗五磅。」她表示無意豐胸，亦不介意被稱為「飛機場」。五月夥黃子華拍新劇的子珊大讚對方有才華，自小就仰慕他，故非常緊張，問到是否取代子華老拍檔鄭裕玲（DoDo）的位置？她很大反應地說不敢當，表示DoDo是前輩，還叫記者別對她太大期望！

至於周慧敏表示接受健康的性感，又指老公不會限制她出席活動的服飾，對於被指會拍TVB劇一事，她澄清：「我都想講，冇咁嘅事，冇人同我經理人傾，拍劇可能性不大，但如果唱主題曲，我係應付有餘。」

同場的甄子丹太太汪詩詩則與妹妹圓圓同台行騷，二人還展示鄭兆良為品牌設計的套裝，而混血模特兒Jessica C.亦性感現身撐場。