麥貝夷頸掛戒指保貞操

女士個個貪靚，每逢襯衫定必配搭不同首飾錦上添花，對頸鏈款式更相當講究。不過，對於基督徒歌手麥貝夷（Karene）而言，戴頸鏈不只為襯衫，還有特別意義，她說：「我條鏈上面掛住嗰隻係貞潔戒指，係教會一位男性朋友送畀我嘅。因為我係基督徒，貞操係好緊要o架！婚前性行為更加係禁忌，隻戒指上面刻住咗『Love+Purity』，意思係愛同埋純潔，我將佢戴喺身，希望時刻提醒住自己唔好亂嚟，要將第一次留畀終身伴侶。」Karene坦言希望將來的另一半同樣是基督徒，可惜現時的心儀的對象卻不是。