區文詩「煮」宰男友心
歌手區文詩除了唱功了得,還練得一手烹飪好本領,她不時外訪名師自我增值,現擔任「地獄廚神」吳雨霏的老師。經驗豐富的她在獻技的同時,不忘強調:「廚藝是鎖住男人心嘅必殺技!」
區文詩(Angela)自小立志成為「入得廚房,出得廳堂」的女強人,談到第一次下廚,她說:「小學六年班嘅時候參加咗英國交流團,因為當地嘅餐館實在太貴,所以開始自己煮嘢食,漸漸包辦埋同學仔嘅三餐,而入廚就開始成為自己嘅興趣。」
難得有一手好廚藝,Angela當然會善用冧仔,她笑說:「煮嘢食的確可以扣到男人嘅心,以前同日籍男友拍拖,佢突然思鄉,我就幫佢解決燃眉之急。」她又透露現任男友對她炮製的意大利菜食過翻尋味,因此深信廚藝是女人箍住男人的必殺技!
幫Kary「破地獄」
熱愛下廚的Angela更不時自我挑戰,她說:「淨係識煮一味餸未必夠,所以自己曾經的起心肝,落九龍城搵泰國師傅學廚,咁樣先夠正宗,兼且做到色香味俱全!」
此外,Angela透露目前要進修日本刀法,親手做日本壽司氹男友,她笑說:「師傅話壽司嘅形態好緊要,竅門係喺魚生上鎅兩刀,令鋪喺飯面上嘅魚生更加穩固同好睇!」同時,她大爆好友兼「地獄廚神」吳雨霏(Kary)正跟她學廚,故亦要努力為好友改變「形象」,果然姊妹情深!
【洋葱炒豬柳】
洋葱炒豬柳是Angela其中一味巧手好菜,煮法容易之餘用來送飯亦一流!她醒大家小貼士:「因為薄切豬腩肉好易熟,所以落鍋炒嘅時間要控制得好好,如果太老或太生都會影響味道同質感。」
送飯「酒」唔甩
享受日本菜當然要有美酒相伴,若嫌清酒及燒酒太烈,不妨一嘗輕口味的梅酒。梅酒的酒精含量大約7.5%,加上味道偏甜,容易入口,最適合女士舉杯暢飲。Angela又提供小貼士:「只要將梅酒雪凍即可飲用,如果加冰反而會溝淡酒味!」
識飲識食之餘,Angela更是一流「煮」婦,冧男友話咁易!
【手卷】
將煲好的日本飯及醋放在大木盆上攪拌
【手卷】
薄切三文魚成片
【手卷】
緊握飯於手心,再將飯和兩片三文魚放在手卷專用的紫菜上包實
【洋葱炒豬柳】
將薄切豬腩肉沾滿生粉
【洋葱炒豬柳】
倒一茶匙油、適量的糖及醬油打芡
【洋葱炒豬柳】
慶鍋後將洋葱爆香,再落豬腩肉及芡汁
【洋葱炒豬柳】
將豬腩肉炒至變色即可上碟,當然不少得落配料伴碟
送飯「酒」唔甩