陳法拉做到殘唔做少奶

陳法拉、陳豪、黎耀祥及伍詠薇等前晚夾錢請新劇《傳愛事務所》台前幕後吃煞科飯，曾勵珍亦罕有撐場。法拉大賣口乖讚無綫提供演員充足時間休息：「我拍完《傳》又為《衝上雲霄II》宣傳。（唔使過吓少奶生活？）我做到死！反而拍劇冇咁大壓力，平日開工可以踢拖，但做活動着衫又要左襯右襯又要諗扮靚，仲大壓力！而且拍《傳》都唔算辛苦，公司福利改善好多，我都有時間休息。」

而祥仔稍後將拍《巾幗梟雄之諜血長天》，他表示最近忙於做掌上壓Keep　Fit，目的是應付多場騷肌戲：「晚晚做6、70下掌上壓o架！除咗騷肌露兩點外，仲有激咀戲，不過電視尺度有限，我都唔想用激情戲嚟賣弄，搞到觀眾冇集中睇劇情！」