周秀娜擇偶愛肌肉男

甩拖已一段時間的周秀娜，昨日與師妹盧頌之（DaDa）、余曉彤（Hidy）及卓韻芝，出席西九龍中心《爆衫猛男亞洲選拔賽》活動，眾女由來自拉斯維加斯的Chippendales爆衫猛男抬出場，再欣賞六位「爆衫亞洲男」扯衫騷胸，娜姐見到貌似黃曉明的內地猛男顧又銘，即第一時間封對方做「朱古力海綿蛋糕」，又問他有沒有女友，更指自己單身，她說：「我幫全港女士問咋！（恨拍拖？）呢排都幾享受一個人嘅自由。（擇偶要大隻男？）冇特定，有肌肉都幾好，不過唔好成日爆衫喎！外形其實係第一印象，溝通到先最重要。」

而活動上疑似「露暈」的阿芝受訪時說：「睇猛男爆衫好開心！（慣咗被外國猛男抬出場？）唔慣o架，冇佢哋咁慣。」她昨晚電話回應走光：「冇可能，我唔會畀佢哋曝光，今日咁多猛男同場，佢哋生得高，我做足安全工夫，我嗰兩點其實係喺眼皮度。」而顧又銘則不喜歡被指似黃曉明：「很多人問我是不是按他樣貌來整容，我真的沒有整容。（點睇周秀娜？）她在《西遊．降魔篇》很Sexy！是很多人的夢中情人。（想追人？）若可以的話，也不錯！」