叻哥遊巴哈馬玩鯊撩蜥蜴

藝人陳百祥（叻哥）為無綫到巴哈馬拍旅遊節目，逗留8日，乘機放假鬆一鬆，對住藍天碧海，與豬水中耍樂，又潛到深海餵大白鯊，認真逍遙！叻哥在港出發，飛往美洲然後坐遊艇出海，在遊艇上歎紅酒海鮮，夠晒寫意，他說：「嗰度同馬爾代夫好似，我去嘅時候係當地嘅冬天，但氣溫超過26度，嗰度連隻豬都識歎，走落水消暑，仲過嚟問我攞嘢食，邊個話豬咁蠢？佢唔知幾醒！」他又騎水上電單車遊覽附近小島：「去過一個島，成島都係蜥蜴！我攞畀豬食嘅食物周圍派，但啲蜥蜴唔食，索兩索就走人。」電影中的大白鯊相當恐怖，吃人不吐骨，但叻哥竟可當鯊魚是小狗般輕撫背脊：「我仲落水底拜訪過佢啲長輩，真係好似拍戲咁！我哋用防鯊籠護體，啲專業人士着鋼絲潛水衣，攞住塊豬肉餵鯊魚，都幾刺激o架！」