蔚雨芯「魔鬼胸」拍床上戲

被封為「魔鬼胸」的女新人蔚雨芯（Rainky）最近處女擔正電影。Rainky身材凸出，自然獲安排作性感演出及拍攝床上戲，經驗不多的她自言是「生手」，因此要急急欣賞相關電影以作參考，更要節食保持弗爆身材！

陳百祥旗下女新人蔚雨芯（Rainky）去年穿上三點式拍攝旅遊節目，大騷驕人身材，就連身旁的魔鬼魚亦被「嚇窒」，因而獲封「魔鬼胸」！加上她不時在微博大方晒身材，人氣自然急升！本身是歌手的她最近更被導演翁子光睇中，踩過界拍攝電影《微交少女》！該電影是31年前《靚妹仔》的延續篇，片中不乏踩界橋段及床上戲。據悉，Rainky將會飾演一名聾啞人士，為身邊的人犧牲色相，對於首次拍戲的她來說，絕對是一個大挑戰！

導演讚表情豐富

提到首次演戲即做主角，她表示既開心又緊張：「我都驚生手，尤其係要拍床戲，我平時好驚畀人掂！（有咩準備工夫？）要減肥令自己上鏡靚啲，同埋做多啲Facial，大銀幕睇得好清楚o架嘛！我仲睇咗好多套題材相關嘅電影作為參考，希望演出順利啲，包括《靚妹仔》同《聽不到的說話》等等。」問到為何能從芸芸新生代女星中突圍而出？她透露導演曾讚她表情多多，而且外形配合片中角色。

雖然要作性感演出，但她認為電影是反映現實。她表示以角色作為反面教材能令觀眾反思生命，絕對是「露得有意義」！問到有否在微信胡亂結交朋友？她即自言細膽，因此會封鎖陌生人：「只同相熟嘅朋友傾偈，入咗行後更加想有私人空間，唔想畀人騷擾。」