黃智賢擔正主角 多謝無綫開綠燈

黃智賢（Ben）現正忙於為新劇《食為奴》拍攝，他於劇中由王子演到皇上，並與萬綺雯有感情線，今次是他繼多年前的《真命天師》、《美麗傳說》後，再次擔正男主角，問到會否有壓力時，他說：「個人成熟咗，心情唔同咗，公司畀機會咪拍囉，同平時冇乜分別。」而在上年台慶頒獎禮中，Ben於《雷霆掃毒》中表現出色，但卻未能入圍男配角候選名單，問到今次安排他做主角是否「補償」？他說：「兩件事唔好拉埋一齊嚟講，件事我都放低咗，唔好用『補償』呢個字眼，好多事都係一個機緣，唔係林峯推咗唔做，我都唔會有機會，原本四月公司都安排咗我拍另一套劇，今次係公司開綠燈，我先有機會拍到。」

而在《仁心解碼II》中與楊怡有感情線的Ben，問到覺得對方怎樣時，他笑說：「阿怡都幾好玩，個人好率直。（拍時佢好多新聞，有冇影響情緒？）我又唔知喎！佢演精神病者，但唔知佢真神經定假神經，淨係覺得佢啲戲好好，大家要睇佢精彩嘅演出。」