潘曉彤演野蠻女友要偷師

藝人潘曉彤予人斯文乖巧的印象，卻即將於新劇飾演野蠻女友，與劇中的男友羅君煥經常在醫院吵架。她笑言角色性格十分惡頂：「角色性格都幾自私，又易發脾氣，所以成日都會同因病而長駐醫院嘅男友喺醫院開片！」不過，她強調現實中的她是個明白事理的女生：「以前可能會火爆啲，但依家唔會，有咩唔開心都會心平氣和咁講，因為嘈完『執手尾』先係最麻煩！」

為了揣摩角色，她會與姊妹多聊天，嘗試代入野蠻女友的心態：「我會同朋友分享大家嘅睇法，其實細個拍拖成日會視某啲嘢係幸福，於是嘗試將佢『製造』出嚟，將自己想要嘅投射喺對方身上，最後搞到大家都唔開心，同班Friend食飯嗰陣一齊討論呢種心態，就容易啲代入番個角色。」