陳宛蔚學整甜品洗底

「味之天使」陳宛蔚（Calinda）原來自「地獄廚房」，更試過差點燒着廚房：「我平時都會學人煲吓湯，不過我姐手姐腳，有一次諗住用毛巾隔熱，再捧起個湯煲，點知唔小心燒着條毛巾！好彩我處變不驚，如果唔係實燒埋成個廚房！」為了「惡補」廚藝，她上堂學整甜品，對於男友、金牌監製錢國偉（Wilson）將於下月9日生日，問到會否順道為男友炮製生日蛋糕？她笑說：「都可以諗吓，不過我手勢真係一般，如果要整，依家要開始Practise定！」對於會送甚麼生日禮物給男友，她甜蜜地說：「我以前成日都會畫油畫送畀朋友或家人做禮物，不過今次都要睇我有冇時間畫，哈哈！」