Hailey C.幫學生大改造

周秀娜師妹Hailey C.早前與鄭希怡的化妝師男友Andy合作，為主持的財經班學生進行外表大改造，並拍攝宣傳照，花了一輪工夫後，Hailey覺得學生大執後更有吸引力，笑言可轉型做星級造型師。

近年轉戰電台做財經主持的周秀娜師妹Hailey C.除出書外，早前更開班《財星學堂》分享投資心得。日前她帶同一班學生往鄭希怡化妝師男友Andy開設的化妝及造型學校，為一班學生大改造並拍攝宣傳照。經過大變身，Hailey對學生眼前一亮︰「佢哋改變太大，記得有一個學生好宅男Feel，但化妝同服裝改造後，嚇親我，成個人唔同晒，有個學員變身後仲有啲似周柏豪！」

提議開改造節目

Hailey表示做形象指導過足癮，又指自己在這方面很有天分，笑言可叫公司開設大改造的節目︰「呢個提議唔錯，哈哈，依家見到班學員突然有啲唔習慣，今日呢個造型可以一齊去蘭桂坊。」問到會否因此睇中其中一位學生？她笑說︰「應該唔會喇！大家係師徒關係，而且有共同目標係如何投資，其他嘢冇諗喎！」

至於今次與Hailey合作的Andy，笑言學員改造後非常吸引，並坦言近年多了年輕人注重形象，故開設化妝學校，更透露學校開了近三年成績不錯，問到是否已儲夠錢與女友鄭希怡拉埋天窗？他說︰「都會為結婚準備，佢有時都會幫手，試吓啲有機嘅化妝品，都OK嘅！」