黎諾懿重鼻音成優點

無綫藝人黎諾懿演戲逾十年，最初被網友狠批講對白重鼻音，但他自爆患有嚴重鼻敏感所致：「我不嬲都有嚴重嘅鼻敏感，細細個講嘢唔清晰同埋好重鼻音，唔識我嘅人應該一隻字都聽唔到，所以入行後惟有苦練，讀每個字都讀得清楚啲！」性格樂觀的他更視之為優點：「其實先天缺陷都喺一種優點，因為我講嘢有鼻音，人哋一聽就會話：『哦！黎諾懿做緊戲！』」鼻敏感亦形成中度哮喘纏身，諾懿大爆曾因此全劇停廠一小時：「上年拍《造王者》個廠有天拿水味同埋好焗，所以突然之間講唔到對白，淨係好想咳，搞到要停一粒鐘廠。」他又指病情一向控制得頗好，但因去年忙於拍劇，加上香港空氣差，導致哮喘復發幾次！