新進模特兒談善言（Hedwig）早前有份拍攝電台電視劇，原來她簽約Model Genesis公司短短半年已狂接7個廣告，非常開心︰「自己梗係好開心啦，本身自己唔係Sell身材，可能爽朗同型格路線比較多人鍾意。」未入行前，Hedwig在後台工作協助模特兒換衫，她坦言當時未有想過入行，故身邊朋友對於她成為模特兒都很驚訝︰「以前我係幫Model換衫，從來都冇諗過會有人搵我做Model，一來覺得自己唔夠高，又唔夠靚，估唔到都會被人睇中。」
Hedwig自言是男仔頭，力大無窮的她拗手瓜更鍊贏男仔。
