陳僖儀炮製「壞蛋」

復活節將至，歌手陳僖儀（Sita）、HotCha成員Winkie及陳慧敏（Vivian）相約新城電台一眾DJ搞搞新意思，走入廚房炮製復活蛋Cup Cake，一班童心未泯的嘩鬼盡情放肆搗蛋，幾乎反轉廚房，更將復活蛋整成壞蛋！

陳僖儀、Winkie和新人陳慧敏日前聯同新城知訊台DJ科林、Bingo及James齊齊入廚炮製復活蛋甜品，迎接復活節。Sita、Winkie和Vivian一入廚房即猶如「大鄉里出城」，拿起廚具整古做怪，與一眾DJ打成一片。一班嘩鬼雖然嘻嘻哈哈，但認真做起來依然有板有眼，總算「入得廚房、出得廳堂」。

輸家自食其「蛋」

雖然三女「似模似樣」地炮製復活蛋，但始終是初哥，經過一輪大工程後，眾人的心血結晶終於出爐，但美味的復活蛋竟變成面目猙獰的壞蛋，令他們大失所望，最後更狠心拋棄「親生骨肉」，逼猜拳的輸家吃掉壞蛋，最終Sita和Bingo要自食其「蛋」，認真悽慘！

問到三女平日可有煮甜品冧男友？Winkie說：「我整過朱古力畀男朋友，買啲朱古力返嚟溶咗佢，放落個模度就OK。」在旁的Sita即取笑Winkie毫無誠意，她又笑言會先請媽媽做「白老鼠」試味：「我整畀男朋友前會整畀阿媽試咗先，如果OK嘅話先會再整畀男朋友。」而Vivian則自爆第一次整甜品便失敗：「第一次整蛋糕畀初戀男朋友，但個蛋糕質地好硬。」最後三女更相約擇日再戰，誓要一雪前恥！