胡漢清母哭訴山窮水盡追索逾千萬

資深大律師胡漢清（Alan）與84歲的媽媽莊永楚近日爆發爭產事件，有指胡母控訴兒子不是，還想索回上海物業及託管的1,150萬港元，而胡漢清前日發表聲明力指報道內容有出入。

胡母昨日與契女白韻琹、謝偉俊及張宇人議員舉行記者會。胡母一開口便情緒激動哭出來：「我想攞番上海間屋，我行路唔方便，行唔到，我加拿大買咗樓花唔知點處理！去年12月5定6日，我喺加拿大樓花要交尾數，我都冇錢！」記者問她當日在沙宣道大宅的情況，她飲泣：「去年十月個仔安排律師同我講，話上海間屋住到11月尾要離開，我話我返香港沙宣道大宅住，個律師同我講話已經換咗鎖，又話Alan訂咗銅鑼灣酒店畀我住一星期，之後叫我返加拿大。（你喺大宅內仲有乜？）護照、保險箱鎖匙、支票簿、衫，件事自去年10月發生到依家都冇通過電話。（乜導致關係破裂？）我話佢同江希文結婚，我唔會出席。佢次次結婚都使我好多錢，上次佢同Rachel（第二任太太）離婚，我話阿仔你都62歲，我唔會再畀錢你。到我依家山窮水盡，佢又唔畀番我，呢六個月連電話都搵唔到佢。（關江希文事？）唔關佢事！」

「想攞番上海間屋」

白韻琹插嘴指胡母有立遺囑，胡漢清是承繼人，問到胡母會否再立遺囑？她說：「個遺囑喺30幾年前立，驚自己有乜意外同危險，畀晒佢！」提到胡母的生活費時，白姐姐搶答：「胡母只要三個要求：一、要番上海間屋，二、攞番畀個仔保管嘅1,150萬，三、要住番香港沙宣道大宅。」若胡漢清不答應以上三個要求，會否採法律行動？胡母堅稱耳力欠佳和不明所以，故沒有作答。張宇人則表示是受胡漢清所託出席：「佢哋19號約咗見面，但唔知點解佢哋見唔成！」

記者致電胡漢清律師行，一位自稱是胡的友人解釋周二兩人沒有碰面是因黃雨關係，胡母沒有出席。記者會後，記者致電張宇人問兩人昨晚是否會面？他說：「伯母本來唔願意見Alan，但我哋同佢講，Alan好大誠意，想當面講件事，所以約咗時間地點，伯母都話好。（即今晚見？）唔會透露，總之Alan唔想傳媒在場，因今次係一家人誤會，有傳媒在場可能會令誤會更大，所以兩個人面對面講係最好嘅辦法。」據知，胡漢清與媽媽昨晚已在秘密地方面對面解決問題。

胡漢清指母進出自如

胡漢清在前日發的聲明中提及：「加拿大和上海房子的購置，均為供我母親專用，她也一直穿梭往返香港、上海、溫哥華三地居住，各地物業向來進出自如，迄今情況也無改變。」