敏之堅稱副偈OK

無綫藝人陳敏之昨日出席活動時否認因病收山的傳聞，更自詡身體好，結婚生仔都沒有問題。此外，已婚的李心潔則坦言要在冇壓力下才可努力造人。

陳敏之昨日身穿低胸裝擔任腕錶品牌的分店開幕嘉賓，她表示有儲鑽石錶：「唔係男友送，我都想佢送。」曾患紅斑狼瘡症的她，最近被指因病而收山，敏之說：「身體好好，生仔結婚都OK。」至於何時結婚？她表示會結，但不是今年計劃的事。她又透露下月會與黃子華及徐子珊拍劇，對住子華令她感到有壓力：「我已煲晒佢嘅碟，好欣賞佢，今次當學嘢。我喺劇中要唱歌，會搵老師上堂。」

心潔冇壓力下造人

另一邊廂，李心潔擔任品牌旗艦店的開幕剪綵嘉賓，提到身形比之前豐腴，她笑說：「因為舊年拍完戲，瘦得好緊要，拍攝期間吸咗好多廢氣，拍完氣管唔舒服咗幾個月，所以一直休息。呢兩個星期先好番，中醫話我太瘦。（谷肥自己做媽咪？）順其自然，唔係話想有就有，喺冇壓力下先努力。」