無綫四大破冰有手尾

無綫跟四大唱片歷時三年半的「冰河」時期，終於結束，無綫形容是三贏，四大歌手可隨意亮相無綫任何節目，不過出席《勁歌金曲》總選頒獎禮則暫時止步，因未符合參賽資格。

四大唱片跟無綫於09年底因版稅問題鬧翻，早前本報率先披露雙方達成協議終極破冰，昨日無綫聯同四大唱片公司代表及旗下歌手官恩娜（Ella）、吳雨霏（Kary）、周柏豪及關楚耀等出席記者會，正式宣布達成協議，重新合作，即場宣布4月19日會有四大歌手的音樂特輯，7月7日又會舉行「紅白大賽」。

各說各話

無綫助理總經理陳樹鴻形容今次是無綫、唱片公司及觀眾三贏，四大歌手可隨時亮相無綫任何節目唱歌，亦可亮相其他電視台，他說：「無綫從來冇硬性規定歌手不能去其他電視台，係唱片公司同歌手嘅選擇。」不過《勁歌金曲》總選頒獎禮是一個比賽，要符合參賽規則才能參加，陳樹鴻說：「歌手只要簽一個勁歌金曲比賽合約就可以，簽咗都可以亮相其他電視台，但暫時四大唱片嘅歌手未有簽。」無綫高層余詠珊說：「一步步嚟，相信好快佢哋會簽埋。」

四大唱片則表示終解決了商業談判，開放媒體平台是好事，問到四大歌手可會簽署勁歌比賽合約？四大仍有保留地說：「持開放態度，仲傾緊，（唔排除簽約？）係。」四大唱片更巧妙聲稱：「冇聽聞唔畀玩頒獎禮。」去年底剛簽約華納的Ella，被視為福星，她笑說：「係呀，好開心，自己都覺得幸運。」Ella感謝無綫一直給予機會，而兩、三年沒有入無綫將軍澳電視城的柏豪笑言連餐廳位置也忘記了，Ella笑說：「二樓。」柏豪即笑言靠Ella「射住」，嚇得她不禁說：「唔敢，師兄。」

Kary唔清楚

對於歌手要簽勁歌比賽合約才有資格參加頒獎禮，Kary說：「係咪真？了解吓先。（贏咗宣傳，輸咗頒獎禮？）依家形式點未知，好似傳無綫有另外一個頒獎禮係好事，公信力大啲，依家係良性競爭，做好音樂唔係要爭啲乜。（你有余文樂唔使要獎？）都唔關呢啲事。」