徐濠縈望開專場還飛債

Eason的個唱爆到「Hum Hum」聲，連老婆徐濠縈亦未獲厚待，更欠下一身「飛債」！她前晚出席CHANEL酒會時說：「好恐怖！唔知要開幾多場先夠，連我朋友嘅前男友都搵我要飛，啲朋友要成百張到三百張都有，我Mark咗個數就Send畀唱片公司，實在太多人問，好驚！呢幾日真係想丟咗個WhatsApp！（唔怕得失朋友？）實會得失，未必滿足到個數目，我話我要包一場，想同陳家瑛（Eason經理人）講！」

身穿Tube Dress的她明顯消瘦不少，問到是否跑馬拉松跑上癮，她說：「跑開就想繼續跑，嚟緊想跑倫敦同夏威夷，啲人話條路線好靚。（囡囡想跟你跑？）有呀！不過佢咁細個，跑唔到。我有帶佢行山，行我平時練跑嗰啲路。」她還透露早前到日本跑馬拉松時，Eason本答應看她衝線，怎料因迷路而遲大到，非常蝦碌！