靚靚秋生上床 Chilam：玩得開心啲！

袁詠儀與黃秋生在國藝影視及英皇電影聯合出品的《葉問─終極一戰》中有床上戲，老公張智霖不但沒呷醋，更鼓勵她「玩得開心啲」！

由國藝影視及英皇電影聯合出品的《葉問─終極一戰》，日前在《香港國際電影節》舉行首映後大獲好評，飾演葉問的影帝黃秋生除了施展硬橋硬馬真功夫外，亦會展現鮮為人知的柔情一面，與片中妻子袁詠儀（靚靚）及在首映禮以透視裝搶風頭的內地女星周楚楚擦出愛火花，秋生更會與靚靚同床兼深情對望。

秋生大讚影后級的靚靚演技純熟，二人一拍即合，甚有默契，他又踢爆靚靚老公張智霖（Chilam）一通電話，令一幕溫馨床戲變得搞笑：「我哋準備緊場床戲時，Chilam突然打嚟問阿靚做緊乜，點知阿靚對住電話大嗌：『準備同人上床呀！』最過癮係Chilam答佢：『咁你玩得開心啲！』」令他倆更放心「埋牙」！

此外，秋生表示靚靚與Chilam同樣貪玩，加上兒子「魔童」十分可愛，堪稱圈中模範家庭。