鄭伊健、于波及導演于仁泰早前宣傳電影《忠烈楊家將》，飾演楊大郎的伊健坦言拍攝時險死：「有場戲條威吔出問題，我諗住死梗，但突然有股力量托番我上嚟。（拍危險鏡頭有冇同老婆蒙嘉慧備案？）唔記得咗！（險死促成結婚？）萬一有咩事，去醫院畀人問到，對方都叫有個名分。」他又表示婚後責任感更大。而導演于仁泰大爆最困難的是，不少男星得知大部分是群戲後即耍手擰頭拒拍：「好多人以為群戲即係冇戲！」幸好最後都能組成楊家七將：「伊健做好大哥榜樣，仲會主動讓對白畀其他兄弟講。」
于仁泰（中）大讚伊健及于波（左）的專業表現。
