Kelly膽生毛自薦瞓屍床

陳慧琳（Kelly）昨日偕任達華及顧美華等出席記者會，宣布改編自李碧華小說《迷離夜》及《奇幻夜》的兩齣電影將開拍，每套有3個單元，而任達華與泰迪羅賓將身兼導、演兩職。席上，眾人為今天58歲生日的任達華預祝，他透露出席活動後即要趕往江門開工：「希望快啲拍完，返嚟同屋企人食飯慶祝！」至於首度拍鬼片的Kelly則表示，不介意再拍鬼片，更膽粗粗說：「我可以瞓屍床、笠屍袋，甚至去墳場都唔驚！」而顧美華被問及近日多宗駭人命案，她坦言無法放下妹妹多年前為情自殺一事：「冇可能放低，但妹妹件事同呢幾單唔同，我唔會避開睇呢方面嘅新聞。」