加讚搞婚禮圓圓話事

玩具大王蔡志明的兒子蔡加讚將於十一月與汪圓圓拉埋天窗，蔡家前晚總動員出席旗下集團春茗，向來疼愛子女的蔡志明自言他的財產便是兒子的，故毋須送豪宅給加讚作為結婚禮物，並豪氣地說：「畀晒佢﹗」出手果然闊綽！

玩具大王蔡志明旗下旭日國際集團前晚舉行春茗，除了蔡生蔡太、女兒蔡加敏一家及蔡加怡與丈夫陳漢驄外，蔡加讚和未婚妻汪圓圓都有赴會。問到11月舉行的婚禮籌備進度如何？圓圓說：「OK，加讚佢好忙，大部分都係我搞，會同佢傾番，我哋嘅Taste都好接近。」可有因意見分歧而有拗撬？加讚說：「結婚好多嘢都畀圓圓搞，唔係好多分歧，傾番就OK。主要畀圓圓話事，喺邊度擺要屋企人OK，其他細節嘢交畀佢，佢好Artistic（唯美），諗到好多靚嘢。」

老爺奶奶催生B

準老爺蔡志明被問到是否會送豪宅給加讚和圓圓作賀禮？他說：「唔使送，我嘅即係佢嘅！（咁會送咩？）畀晒佢，我同佢孖份，我哋屋企人好Close，無分你我，好似我同蔡太咁！」在旁的準奶奶蔡太亦說：「鍾意就攞去。」兩人異口同聲表示希望加讚和圓圓婚後早日生B，讓他們抱孫，蔡生說：「愈快愈好，愈多愈好！」蔡太日前曾表示想加讚與圓圓婚後與他們同住，蔡生說：「我都想，但新一代有自己諗法。」向來孝順的加讚即說：「爹哋話咩就咩。」

姊妹團要夠勤力

另外，圓圓昨日出席馬場活動時被問到是否已決定姊妹團人選？她說：「度緊，但唔想太多人，排長龍咁！（圈中朋友？）圈中人比較忙，自己做過姊妹知要畀好多心機做，所以會搵啲勤力啲嘅朋友做！」