Bobby買醉蹈海關詠荷救命
上月因急性肺炎入院的歐陽震華(Bobby)最近忙於為《情逆三世緣》趕工。昨日,他與關詠荷拍攝外景時相當精靈,導演還臨時加插一場落水戲,負責拉Bobby上水的荷姐更投訴對方未有因生病而減磅!
劇情講述失憶兼失意的Bobby意圖跳海,導演為求逼真,竟要求Bobby落水!Bobby手執「孖蒸」買醉,但強調對飲酒沒有陰影:「我又唔係因為飲酒入院!不過費事老婆擔心,依家玩同食都係七成,收工後即刻返屋企,唔會好似之前諗去邊度玩,成個人變得心無雜念!」現場所見,他連拍數組鏡頭亦不用休息。他透露劇組未有因之前暫停拍攝而OT,亦毋須再外景廠景「疊住上」,工作量較之前輕鬆。飾演荷姐妹妹的黃智雯受Bobby入院影響,同時為《On Call 36小時II》開工的她只好跳拍該劇戲,下月再隨《情》劇到佛山拍攝。