商天娥、應屆港姐張名雅和朱千雪昨日出席節目《演嘢》的公開招募活動，問到有何強項？張名雅說：「我可以一心幾用。（可以一腳踏幾船？）梗係唔會啦！另外就係我以前喺加拿大返學時，可以一路揸車，一路趁停交通燈位時食早餐同化妝，不過咁係唔啱。」問到會否介紹緋聞男友排舞師參賽？她即劃清界線：「我哋冇乜聯絡。（叫佢表演跳舞同摸大髀？）冇乜朋友有特殊技能。」而娥姐則表示做主持很好玩：「快靚正！（好過拍劇同人交惡？）邊有？是非係工作嘅例牌菜，因為拍劇一定要有Noise！」
張名雅（左）與朱千雪出席活動，自爆曾有不良駕駛習慣。
