Super Gear化身「農女」耕田

Super Gear的Irina和Milky看似弱質纖纖，但原來甚捱得苦。早前她們趁假期到台灣旅行，並隨朋友南下探親兼化身「農家女」，首次落田耕種的Irina興奮地說：「今次係個體驗之旅，我哋跟朋友啲屋企人去咗插秧，仲去收割番薯同菜！」Milky插嘴說：「因為我哋係着住襪去插秧，所以曬到得番腳板係白色，小腿係黑色！」

今次的台南之旅更奪去她們多個「第一次」，Irina說：「我哋夜晚仲食番自己挖嘅番薯，又第一次食土甕雞。當地人真係自己喺地下掘個窿，用石頭堆個火爐出嚟燒，好特別！」而Milky則大讚此行超值：「因為有朋友喺台灣，所以食人哋住人哋，又做導遊車我哋周圍去，六日旅程都係用咗千五蚊咋！」