黃智雯沈卓盈晒咪鬥吋

無綫小花黃智雯和沈卓盈（Jess）在品牌活動上鬥晒事業線，後者以一吋之差稍勝，而與智雯情侶檔演出廣告的梁烈唯，因劇集需要揚言操肌，一展男士本色。

黃智雯前晚與拍檔梁烈唯以情侶檔上陣，同場還有沈卓盈（Jess）及李綺雯力撐，加上當晚正值白色情人節，現場多對情侶雙雙慶祝，氣氛熱烈。不過，最吸睛的是智雯與Jess力谷咪咪為品牌宣傳。智雯右手臂貼上蝴蝶紋身圖案，並罕有地以性感低胸裙亮相，露出3吋事業線，可惜仍不及有愛情滋潤的Jess，身穿低胸裙的她輕易谷出4吋事業線，完場後又有男友派出座駕接載，凸顯排場。

前日是白色情人節，智雯自爆有跟一名圈外男士約會，雖然未到拍拖階段，彼此正了解當中：「佢係圈外人，大家約會咗一段時間，但想低調啲，希望大家畀空間我哋互相了解！（點慶祝？）節日要做嘢！」至於Jess自去年飛甩機師男友後，即火速搭上楊秀惠舊愛、從事金融投資的闊少Ray Mak，兩人拍拖數月打得火熱，前晚活動後，男友更派車接送，甚得寵愛。

唯唯操肌展男人味

此外，與智雯情侶檔代言的唯唯，由於稍後演出《飛虎》續集，笑言若有纖體代言更好，可以助他操出肌肉：「今次我要努力鍛煉，因為第二集有番騷肌戲，又要拍游水、洗車鏡頭，咁就可以大展身材！（壯腰補腎嘅代言呢？）我仲有心有力！」唯唯又指下月將到北極拍旅遊特輯，行程十多日，更有機會見北極熊。

另一方面，當日下午三時，Jess以一身黑衣、戴帽及黑超獨自到銅鑼灣一間藥房閒逛，集中挑選日用品，最後買了清熱沖劑及喉糖，離開時見男友父親名下的七人車駛至門外，她便上車由司機接載離開。