恨嫁JJ跟仔轉口風
賈曉晨（JJ）最近被傳激嬲阿叻（陳百祥），約滿後不獲續約，曾表示事業沒有太大進展、可能考慮結婚的JJ戀愛大過天，前日趁白色情人節於微博大晒和男友樊少皇的親暱合照，兩人通宵在女方香閨慶祝後，至昨午3時才穿上情侶皮褸兼一臉倦容離開。
歡度一晚後，JJ做柴可夫送樊少皇到中環試西裝，JJ則在車上等候。記者上前問有關JJ恨嫁宣言，樊少皇說：「吓！佢咁講？（你有冇同佢提過呀？）呢個時間大家都係專注事業，享受吓拍拖生活。」然後登車直返愛巢，到寓所樓下，記者再問JJ是否有意結婚？她似乎和男友夾晒口供，甜絲絲地說：「暫時都係以事業為先！（頭先試西裝係咪結婚用？）唔係！佢做嘢啫。（白色情人節點過？）我要做嘢，之後去睇咗場戲。」
體貼的JJ充當柴可夫，接樊少皇試西裝。