香香拍劇屋仔疑遭縱火

岑麗香、謝天華及張兆輝昨日到屯門山頭拍攝新劇《神槍狙擊2013》，對於拍攝場地一間道具屋日前離奇焚毀，香香驚訝地說：「你講我先知，唔怪得撻地黑晒！（有人收保護費？）冇留意，次次工作人員都安排好晒，我哋去現場就得。（擔心安全？）希望係意外，唔諗咁複雜。」有傳苟芸慧亦會豁出去行性感望能像她一樣拍電影，香香說：「我哋係好姊妹，希望大家都有好發展，我未知有冇期接套戲，亦未知使唔使性感，最好唔使，我形象係開心！」

有指無綫不報警是怕阻礙拍攝進度，天華說：「冇人命傷亡，又冇乜財物損失，都唔知報乜！但重點係間屋拍完着火戲後噴水淋濕晒，應該冇咁易起火！」張兆輝則說：「估計唔係簡單意外，好彩冇燒埋啲樹，入埋我哋數咪弊？（收陀地？）呢度政府地喎！（唔報警費事阻拍攝？）唔關我事，有時間不如睇醫生，之前被反應彈擦傷右耳，依家仲痛緊。」