梁佑嘉求姻緣梅花當桃花

恨拍拖的梁佑嘉本希望繞桃花樹三圈催谷桃花運，豈料大懵的她不但行超過三圈，更發現原來行錯梅花樹！不想再被父母催拍拖的她惟有逼自己「相睇」，希望早日閃婚，不用在家發霉做剩女！

缺乏愛情滋潤的梁佑嘉（Abella）為催旺桃花運，早前拉好姊妹齊齊到桃花樹下繞圈求姻緣，第一次行的她卻錯漏百出：「我知要順時針行三個圈，點知行行吓好似行咗四、五個圈！」更慘的是她發現擺了大烏龍：「我哋行完一次，過咗幾日再行多次，諗住功效會勁啲，點知發現原來嗰棵係梅花！今次慘喇，仲累埋我個Friend，希望唔係發霉個霉啦！」

情人節做電燈膽

Abella又自爆情人節當日刻意做電燈膽：「我知情人節係要一對對情侶咁過，但我喺屋企好悶嘛，咪拉埋我個女仔朋友去同一Pair情侶朋友食飯囉！」她笑言朋友為免明年情人節她再來「搞破壞」，於是逼她「相睇」:「相睇好尷尬又老土，但係過多幾年我都未有着落可能真係要試吓！阿媽都催我快啲拍拖，費事年年情人節都要留餸畀我喎！」

不過Abella大嘆入行後難找對象：「以前做文員反而識多啲男仔，入咗行成間公司得一個男仔咋！我又怕醜冇主動識其他歌手，其實我要求唔高，唔一定要圈內人，反而覺得同圈外人會有多啲唔同話題！」自言年紀不小的她更不排除閃婚的可能：「Feel到咪結囉！可能識咗一個月，嗰下個感覺OK就可以即刻去結o架喇！」