陳鈺芸望「打」出名堂

歌手陳鈺芸（JuJu）早前獲澳洲電影公司邀拍微電影，在片中飾演女殺手的她大耍雙節棍，與一名澳洲華裔女星對打！演出該部微電影後，她對演戲深感興趣，決定簽約電影公司，希望在電影界闖出名堂！她說：「真係好巧合，同舊公司結束合作後，即刻有兩間電影公司搵我，我考慮過後就簽咗其中一間，覺得自己好好彩，有人賞識，希望可以多方面發展！」JuJu透露有意做「打女」：「作為新人，好應該作多方面唔同嘅嘗試，但我偏向拍打戲，因為覺得女仔拍動作戲好有型！（有冇學功夫？）有呀！依家每個星期都上堂，同埋做Gym練腹肌。」