梁嘉琪學車連人帶軚亂扭

女藝人梁嘉琪早前考車牌，自言學車初期手腳「太協調」，轉彎時常會「連人帶軚」一起扭，幸好已戒掉這習慣。胸有成竹的她透露已準備擲9萬元來買車「粗用」！

最近，梁嘉琪為了考車牌，不時秘密練車。談到學車的趣事，她跟不少人一樣，在學車初期都遇到一些困難，而最大的問題便是手腳「太協調」！原來，她在轉彎時會「連人帶軚」一起扭：「師傅話每次轉彎之前都要擰頭望鏡，我一擰頭望右，隻手就好自然咁順勢扭向右，練咗好耐，終於戒甩咗！」問到她的考牌秘訣是甚麼？她說：「我會上網睇片同查多啲地圖，記熟考試路線！同埋坐車嘅時候會多啲留意人哋點揸車。」

買七人車享家庭樂

問到學車的原因，她透露一早有意學車和買車，主要是為了方便上班：「因為屋企距離公司都幾遠，坐的士都要成45分鐘車程，而且成日都半夜先收工，所以都想買架車好耐啦！之前做嘢太忙，覺得好難就時間學車，依家我都拍緊劇，但好彩啲同學肯同我調時間，所以學車過程都算順利！」

問到想買甚麼款式的車？她明言要載屋企人，所以絕不會買兩座位的車：「其實我買車都係想放假時同屋企人一齊玩，應該都係買七人車啦！」她自言即使考獲車牌亦只是「P牌仔」，故不敢買太貴的車：「因為驚自己經驗唔夠，第一架車都預咗會整花晒！平平哋，買架粗用住先就算！」