關楚耀情深「撻著」MastaMic

歌手關楚耀與饒舌歌手MastaMic日前擔任《娛樂onShow》嘉賓，當主持俞詠文要求MastaMic談談對《食軟雪糕》及《踩我唔死》的看法時，他立即「口窒窒」！

關楚耀（Kelvin）日前與MastaMic擔任《娛樂onShow》嘉賓。兩人一個是情歌王子，一個是饒舌歌手，風格完全不同，卻因而促成機會合作，合唱歌曲《佔領》！主持俞詠文（Angela）問兩人是否在合作前已老友鬼鬼？他們立即大笑，異口同聲說：「完全唔識！」Kelvin說：「本來已經錄好成隻歌，但後來我同Alex Fung都覺得好似差啲嘢，所以就諗住搵個人嚟Rap。我哋覺得MastaMic唱具有社會性同控訴性嘅嘢係有團火！」

被主持問到口啞

Kelvin認為MastaMic對音樂相當有熱誠，MastaMic對他的第一印象則是：「本來以為佢係情歌王子，可能對音樂冇乜要求，但後來發現原來佢都想做唔同類型嘅音樂，針對呢一點，我都幾尊重佢！」

MastaMic身為饒舌歌手，自然是口齒伶俐，但Angela卻多次令他「口窒窒」！Angela問：「你覺得莊冬昕嘅《食軟雪糕》點呀？」MastaMic說：「嘩！好有趣味性，帶有時尚風格，仲令到首歌深入民心！」Angela又怎會輕易放過他？她再問MastaMic對阮民安新歌《踩我唔死》的看法，MastaMic即招架不住，笑說：「係咪要玩得咁盡？呢個係篤人背脊擂台大訪問！」擾攘了一陣子後，他認真地說：「歌詞方面唔夠好啦，而且我Feel到佢唔係做開Rap，節奏嘅掌握唔係好夾，有啲罅隙同落差！」