仙樂都D Cup導彈嚇窒姊妹

外號「仙樂都」的模特兒吳堯堯（YoYo）最近屢獲邀出埠登台，為令氣氛更高漲，YoYo開始鍛煉舞技，希望變身「火辣舞姬」。早前她與三位模特兒好友齊齊練舞，YoYo化身師姐拋胸幫同伴拉筋，認真唔話得！

擔任模特兒多年的吳堯堯去年憑「仙樂都」的綽號人氣急升，接Job接到手軟，更北上神州及出埠打碟，為增強台風，YoYo最近開始學舞，早前還相約模特兒好友王芷珊（Lily）、新女子組合JS6成員李穎嫻（Wing Wing）及莫曉欣（JoJo）齊齊練舞。她們先在導師帶領下拉筋做熱身，細心的YoYo化身師姐，主動幫三女拉筋，但見她即使練舞亦一樣「戰鬥格」，穿上低胸運動衫，每次俯身都露出深長事業練，D Cup導彈拋窒三位後輩，未知是本身筋硬，還是被嚇得硬晒軚，三女的拉筋效果似乎不太顯著。

唔怕搶飯碗

提到學舞原因，YoYo表示過往登台多數唱慢歌，但希望改唱快歌令氣氛更熾熱，因此想練好舞技多一張刀：「希望試多啲快歌，就算舞衣同舞步比較性感都唔介意，最緊要係氣氛好！（跳舞有冇天分？）有待進步啦！其實之前跳過Jazz，但荒廢咗一段時間，最難係要記好多Steps，我覺得跳舞好，擺甫士都好啲，對Model工作都有幫助。」

她並透露早前與JS6齊返內地出騷，大讚她們身材好又放得開，甚有潛質，問到會否擔心被搶飯碗？YoYo說：「唔驚！市場唔同，不過支持開我嘅Fans唔好走呀！」