岑寶兒見過鬼唔怕黑

藝人梁思浩早前到日本為全新一輯有線靈異節目《鬼之咒．東瀛13》取景，而他與藝人葉山豪日前首次開廠直播第一集，好友岑寶兒（阿夢）亦有前往探班，阿夢笑言順道向思浩逗利是：「思浩今年派十萬蚊利是，搞到有好多員工攞完再攞，好搞笑，不過思浩都好大方照派畀佢哋。」

曾任《怪談》主持人的阿夢表示，因要拍攝另一節目而未能參與此次拍攝，令她大感可惜：「我之前拍嗰時都去咗馬來西亞、潮州同台灣取景，不過今次佢哋係去日本拍外景，我都好想去呀！」談到早前拍攝靈異節目時懷疑撞鬼，她笑言已不害怕：「唔驚呀！都過去咗啦！況且我依家都冇事，我覺得刺激多啲。」她亦希望能為下輯《怪談》擔任主持：「因為拍呢個節目可以去到好多平時去唔到嘅地方，好似停屍間同自殺森林咁。」