高鈞賢甩拖孤身旅美

高鈞賢早前與女友分手，原本已安排了一個美滿的美國旅程，最終由二人行變成一人行，不過他坦言有另類快樂，為了獎勵自己，更租了一架跑車四處遊覽。

高鈞賢剛剛與女友分手不久，原本早前計劃與女友齊齊到美國旅行，不過奈何突然分手，他惟有獨個兒起程，更去足十二日，不過此行他坦言覺得好玩，若日後有機會也會獨自再去。今次他到了拉斯維加斯及羅省等地，並不諱言：「本來我Plan咗同女友去，每年我都有啲Family Friend同朋友去嗰邊，我本來計劃同女友去埋夏威夷，諗住帶佢見吓啲朋友，亦都訂咗NBA籃球賽嘅飛，仲諗住同佢去迪士尼，點知大家唔開心分咗手，不過都冇辦法，最終我有十一日都留咗喺拉斯維加斯，同啲朋友一齊，最後一日就自己去咗LA觀光。」

投資生意盼有成績

高鈞賢笑言此行總算開心，有朋友陪伴，自己一個人的時候，亦沒有失戀落寞的感覺，他更花了萬多元租一架跑車四處奔馳，他說：「我租咗架變形金剛車獎勵自己，都幾好玩o架！無拘無束揸架車周圍去，真係未試過。」問到何時買車獎勵自己時，他說：「依家儲緊錢，希望嚟緊呢一年換車，依家嘅生意仲有一個月就可以收支平衡，啱啱我又投資咗少少錢喺朋友嗰間按摩店，希望可以有成績。」

他又坦言現時仍是單身，剛剛那段感情他選擇公開，不過最終都得到不開心的結局，他說：「都要冷靜一排先，要搵到個好啱嘅先一齊。（會唔會再公開？）要好穩定先囉！」