陳茵媺「病」入「Mo」肓

陳茵媺（Aimee）與陳豪的戀情不時被擺上枱，Aimee昨日出席新劇宣傳活動時，便被舊拍檔蕭正楠取笑患上「陳Mo症」！她聞言笑稱想男友及觀眾都患上「茵媺症」，從而催旺人氣！

方中信、蕭正楠、楊怡及李亞男等昨日宣傳新劇《仁心解碼Ⅱ》，兩位男士都是本月生日，獲演員送上蛋糕慶祝，阿怡更向方中信送吻！有份參演該劇的蒙嘉慧（YoYo）因合約問題，未獲通知出席活動，但宣傳布景板上仍見其大頭造型照。

席上，眾人上演一套有關醫生及病人的短劇，與陳豪穩定發展中的Aimee慘成被玩對象！飾演醫生的蕭正楠問Aimee：「你係咪對於鍾意飲咖啡同6呎高嘅男士會感到心跳？」Aimee笑說：「會緊張囉！」蕭正楠立即「斷症」：「你應該係患咗『陳Mo症』！」事後，Aimee大方表示不介意被玩：「都開心，段稿應該唔係咁，係佢自己爆肚！不過都係講笑啫！（係咪真係有『陳Mo症』？）有呢個症咩？真係好得意，我想有埋『茵媺症』，等佢同我都多啲觀眾支持！」

李亞男同樣是演「病人」，坐下時卻不慎走光。問到為何如此失策？她無奈地說：「我有做好防走光措施，有打底，都驚男友王祖藍詐型！佢平時都成日提我，希望冇事啦!」

監製否認封殺YoYo

方中信被視為《仁》劇的靈魂人物，對於YoYo未獲邀請出席宣傳，他說：「程序上係有問題，如果有去意，應該等套劇完咗宣傳先去傾。佢唔係簽王維基咩？幾萬蚊一集。」而監製羅永賢則否認YoYo遭無綫封殺：「尋日佢有幫官方刊物影相，都有同我仲有高層曾勵珍講想有更好發展，我當然戥佢開心，同埋大家有共識會幫套劇作選擇性宣傳。」另外，提到主動向方中信獻吻，楊怡笑稱擔心會觸怒方太莫可欣，但緋聞男友羅仲謙喜歡方中信，所以應會看到拍手！