陳奕迅趷籮賀破冰

陳奕迅前晚休假後復工出席音樂騷，對於無綫及四大已經破冰，他坦言很久未到過將軍澳並很想念TVB，又於騷上夾住肛門教觀眾「提肛」，笑爆全場！

陳奕迅（Eason）前晚率領一眾環球歌手包括樂隊Mr.及關楚耀等在會展於《新城音樂會》演出， 當晚Eason不斷搞氣氛，在台上夾住肛門，教觀眾做「提肛」運動，引得哄堂大笑。提到早前秘密上機為愛妻徐濠縈帶來驚喜，並承諾老婆戒煙，是否為造人？他笑說：「我要做一個好人，但我真係冇諗過。」對於有報道指無綫與四大唱片公司成功破冰，他說：「聽講21號會有記者會宣布，我都好耐冇返去將軍澳，好掛住。」同場的Mr.成員Dash亦期待破冰：「有多啲地方宣傳係好事。」

而「校長」譚詠麟及「阿B」鍾鎮濤等溫拿成員，昨日拍攝now的電視節目外景。提到無綫與四大破冰，校長說：「勢如破冰。（拖咗好耐？）交咗畀律師，要睇細則，花時間在所難免。」不過他因有工作在身，不會出席21日的記者會，但提議無綫製作《溫拿狂想曲》，阿B則笑言要加入後生版：「最好搵吳尊扮我！」

下周四開記者會

另外，環球助理總經理譚先生昨日接受電話訪問，談到無綫與四大破冰，他說：「TVB會喺3月21日開記者會，但我哋嘅歌手唔會只係喺TVB出現，自由度係百分之一百。（擔心影響頒獎禮成績？）等記者會完先再傾。」他表示旗下歌手關楚耀、Robynn＆Kendy及林德信會出席記者會，而華納則透露旗下歌手除了方大同外，全部都會出席記者會。