關楚耀望住衞詩雅打手槍

演員衞詩雅前晚出席新片煞科宴，她於該片有不少新嘗試，其中一場意識大膽的戲份，關楚耀要對住她打手槍，令她極為尷尬，結果「睇到笑」頻吃NG！

關楚耀、衞詩雅、陳靜（DaDa）、孫佳君、邵音音及女子組合Super Girls等前晚出席電影《重口味》煞科宴，該片分三個單元，衞詩雅於孭飛的單元中飾演女神，其中一場「激情」戲，是關楚耀幻想着她來打手槍，她說：「拍呢場戲嗰陣，導演要我坐關楚耀對面，佢就望住我『打手槍』，嗰日拍咗好耐，大家都忍唔到笑，拍嚟拍去都拍唔到，未試過遇到呢啲場面，最後要視線借位，大家唔望對方對眼先拍得完，唔係就收唔到工！」

除了與男拍檔對戲，衞詩雅另一場要與多位無上裝女郎食飯的劇情，同樣拍得尷尬，但她大讚一班演無上裝女郎的演員非常專業。

DaDa睇陳偉霆除衫醒神

同場低胸長裙亮相的DaDa透露，片中與陳偉霆（William）有感情線，提起William有一場脫衣舞戲時，DaDa即自爆有「（目及）」過對方，她說：「呢場戲好醒神，佢真係好弗！（好羨慕佢女友阿Sa？）冇諗咁長遠，今次同佢合作得好開心！」而晒長腿的孫佳君於新片扮按摩女郎，問到有否欣賞昔日好友周星馳執導的《西遊．降魔篇》？她笑說：「未睇到。」