周汶錡不捨老公胸毛

名模周汶錡與老公婚後甜蜜蜜，更大爆最愛老公胸毛，既柔軟又唔拮肉，但老公因為要做「鐵人」而狠心剃掉胸毛，未能滿足老婆。

周汶錡（Kathy）與妹妹周麗淇（Niki）、台版《流星花園2》的女主角雪兒及董敏莉等齊齊出席Shiseido彩妝活動，國際名模何穗則以代言人身份現身。Kathy得知蔣怡懷孕後，覺得更有壓力：「你哋唔好再畀壓力我，我依家忙做TVB飲食節目。」問到老公最愛她哪個部位？她說：「冇特別問，最緊要鍾意我，邊個部位都冇所謂。」至於她最鍾意老公甚麼？她即笑說：「胸毛，好難得啲胸毛好柔軟，唔拮肉，不過佢參加鐵人賽，因為要跑步同游水，胸毛出汗阻礙速度，所以佢剃咗。」問到有否阻止他剃胸毛時，Kathy說：「有同佢講難得咁柔軟，剃咗剛生出嘅反而會拮。（唔畀佢剃？）等佢唔做運動就叫佢留住。」

Niki聞鄭嘉穎嗌走先

而Niki透露忙於電視劇宣傳，月底將會灌錄國語碟，是首次打入內地市場，以情歌為主。問到找誰做MV男主角？她笑說：「姐夫都唔錯，佢好有表演欲，就算唔識中文都有睇我部電視劇。」至於會否搵前緋聞男友鄭嘉穎？她即說：「走先！其實我公司好多人喺內地有市場，好似任賢齊咁，又唔係同鄭嘉穎合唱，搵佢拍MV好怪囉！」

另外，久未露面的雪兒，透露現定居新加坡，三年前已結婚，老公從事酒店及餐廳生意，全職家庭主婦的她，現主力做「跟得夫人」陪老公四處公幹。問到有沒有興趣復出？她說：「都可以考慮吓，但未有人搵，老公唔會介意。（有冇性感底線？）都未有人搵，冇得咁快諗。」