Mandy Lieu改中文名劉血

模特兒Mandy Lieu前晚出席《CENTRAL/CENTRAL 2013春夏時裝預覽》，她透露於本月20日生日時，朋友會請堪輿學家為她改中文名：「我淨係知自己姓劉，冇諗改咩名，可能叫劉血。（有男仔趁生日約你？）有人約過我22號生日去食飯，我係20號生日，啲人都冇心。」她又謂有好友在馬來西亞結婚，但她不能出席：「我會着住佢送畀我嘅姊妹裙拍段片畀佢，但條姊妹裙好肉酸，似窗簾。」

同場的混血名模Ana R.表示，會跟男友交流時裝心得：「佢好信我嘅品味，而且我諗大家嘅Style差唔多，不過我哋唔會着情侶裝，反而試過冇夾定，但着咗同樣顏色嘅衫，呢啲係情侶嘅直覺。」她又指不喜歡男友穿緊身三角內褲，喜歡對方穿Boxer。