崔始源襲港冧「暈」粉絲

除了T-ara將會來港外，另一位韓國紅星崔始源已於前晚抵港，昨午約三時，他與工作人員離開酒店Shopping，在時裝店內挑選服裝，逗留約15分鐘後，其同行男助手便拿着紙袋離去，準備出席晚上的活動。至六時許，活動場地已聚集五百名粉絲爭睹偶像風采，有一名粉絲不適暈倒，由救護車送院，而崔始源於七時正抵達，識做地向粉絲大叫：「好耐不見，好掛住你哋！」粉絲以韓語回應：「哥哥，我愛你！」他透露活動後會即晚返韓，因其所屬組合Super Junior將舉行演唱會，要趕回國綵排，並希望來港舉行演唱會。

另外，崔始源表示已見過同場的章子怡三、四次，大讚對方有女人味。問到會否希望合作？他說：「等緊電影劇本，希望拍香港或內地電影。（佢都係製片人，叫佢為你度身訂造劇本？）係咩？如果係就一定要做！」當他知道有粉絲暈倒時，大感擔心：「希望佢快啲好番，我今晚會為佢祈禱，希望佢冇事！」