拍檔楊汀叮自薦做導遊

曾是Angelababy師妹的楊汀叮已簽約新公司，除了希望做模特兒外，亦在影壇大展拳腳，提到在新片中有機會與T-ara合作，向來喜歡韓國文化的她大感雀躍，笑言會學定幾句韓文讚她們靚女：「希望帶佢哋喺香港周圍玩吓試美食，我都會問佢哋韓國咩化妝品好！其實早排我去咗韓國，本身有機會同T-ara見面，但佢哋去咗日本開騷，緣慳一面。」問到會否怕拍鬼片？嬌滴滴的汀叮原來非常大膽：「我成日約朋友睇鬼片，側邊啲人驚到遮晒眼，我一啲都唔驚，會逼佢哋拎開手齊齊睇！」她直言不怕造型肉酸，認為做演員不應介意犧牲「色相」。