鍾欣桐（阿嬌）與韓國男友Tyler前晚睇首映，首度拍拖亮相公開場合，據知Tyler屬韓國娛樂圈幕後人，今次阿嬌亦是應男友邀請出席。其後參加After Party，阿嬌藉此認識到該片演員及不少韓國圈中人。問到與男友結伴公開露面，她即甜笑說：「都開心嘅，感情事唔想多講，畀番我哋少少私人空間。」而首次赴韓睇首映的她相當興奮，大讚電影精彩和李炳憲有型，更指對方非常Nice。