糖妹情人節無禮

糖妹（黃山怡）雖然離奇鬧出斷背緋聞，但無損與男友Dominic（何浩文）的感情，小情人將會過一個「無禮」的白色情人節，糖妹還冧爆下旨，只准男友一個闖「糖果屋」，其他異性統統No Way！

組合糖兄妹成員糖妹昨日出席中電「綠適動生活」之旅開幕禮，明天是白色情人節，問到糖妹如何慶祝？她笑說：「我要開工，但白色情人節唔係佢要送嘢畀我咩？」她又表示上月的情人節也沒有互相送禮：「得o架啦！我哋唔慶祝都唔會介意o架！」另外，拍檔糖兄（潘雲峰）下月小登科，糖妹預告：「人情會大封啲，包佢見到開心，至少都五位數！」

否認戀情告急

此外，糖妹自稱有節約能源的習慣：「沖涼會用慳水花灑，同埋出街都會熄咗備用電。」談到早前被指搭上同性助手，與男友戀情告急，她哭笑不得地說：「都冇人覺得係真，我哋冇告急，冇啲咁嘅事。男友知道後都一齊大笑，其實我助手都識得佢。」對於被指帶女助手上香閨，她表示歡迎所有女性朋友到訪：「我識得嘅女仔朋友都可以上我屋企，男仔就唔得，除咗我男朋友。」