Niki天華冤家嘴唔停

無綫劇集《女警愛作戰》演員周麗淇（Niki）、謝天華、朱慧敏和呂慧儀等，前晚相約到長沙灣大牌檔，齊齊欣賞劇集首播。雖然Call Time是晚上八時，但Niki及天華卻遲到，幸仍趕及在劇集播出前抵達。當晚，兩人不停鬥嘴，互叫「八婆」及「賤精」！天華甫到場，便指着Niki說：「我收工趕過嚟o架！你估好似啲人咁，唔使做咩！」提到上周同時段的劇集《戀愛季節》收視偏低，兩人表示對《女》劇充滿信心。天華「老屈」Niki曾自誇收視福將，又笑說：「套劇拍到佢靚咗好多！好似玉女咁，戥做後期嘅同事辛苦！」Niki即說：「TVB點會幫我執呀！」

該劇首集播出後，口碑好壞參半。有網友指Niki演的女警「欠霸氣、多喊戲，谷眼淚時只谷出鼻涕」，但亦有人讚她「夠索」；亦有網友指天華在劇中驚現M字額，他卻說：「我特登剃成咁o架！」